Video
Read full review
2021-01-30
764 views
好耐冇去灣仔行吓，所以就走咗去囍帖街嗰頭行吓，行吓行吓有啲肚餓，路過見到有間新開嘅日本餐廳，見到門口個午餐，嘩，好似好抵食咁喎，於是就入去試吓啦間餐廳真係好似日本嗰啲咁，要響門口嘅自動售賣機入錢買飛仔，不過會有職員幫手嘅，對於年長少少嘅屋企人來講，佢哋覺得咁樣好得意好新穎雖然餐廳叫牛極，理論上應該食牛會好啲，但係因為我本身唔食牛嘅，所以就叫咗個鰻魚午餐，我屋企人就叫咗個黑豚腩片每一個午餐，會跟一款日式沙律，有熱湯，同埋日本米飯，以自助形式自行加添（不過，留意返疫情期間如果離開座位嘅時候係需要帶返口罩嘅，職員係會留意住個情況㗎！）上菜嘅時候，無論你叫咗鰻魚定豚肉，佢都會放響熱石上面，保持住溫度，一路食，一路都仲係熱辣辣㗎，冬天嘅時候食真係超正而我食嘅鰻魚，由於有魚油嘅關係，一路熱住佢，啲魚油一路滲出黎，D魚香味真係超好送飯呀 媽啊～我覺得我吸收咗好多Omega3啊响牛極叫鰻魚，我相信啲人一定話我係傻，但係食過你就知其實佢嘅鰻魚一樣做得好出色
間餐廳真係好似日本嗰啲咁，要響門口嘅自動售賣機入錢買飛仔，不過會有職員幫手嘅，對於年長少少嘅屋企人來講，佢哋覺得咁樣好得意好新穎
雖然餐廳叫牛極，理論上應該食牛會好啲，但係因為我本身唔食牛嘅，所以就叫咗個鰻魚午餐，我屋企人就叫咗個黑豚腩片
每一個午餐，會跟一款日式沙律，有熱湯，同埋日本米飯，以自助形式自行加添
（不過，留意返疫情期間如果離開座位嘅時候係需要帶返口罩嘅，職員係會留意住個情況㗎！）
上菜嘅時候，無論你叫咗鰻魚定豚肉，佢都會放響熱石上面，保持住溫度，一路食，一路都仲係熱辣辣㗎，冬天嘅時候食真係超正
而我食嘅鰻魚，由於有魚油嘅關係，一路熱住佢，啲魚油一路滲出黎，D魚香味真係超好送飯呀 媽啊～我覺得我吸收咗好多Omega3啊
响牛極叫鰻魚，我相信啲人一定話我係傻，但係食過你就知其實佢嘅鰻魚一樣做得好出色
鰻魚
89 views
0 likes
0 comments
Post
