台灣小倆口三文治 (Closed)

我係荃灣返工, 日日都會經過"小倆口", 一直都以為佢地只係有三文治賣, 前排再經過買三文治既時候, 同老闆閒談先知道"小倆口"原來仲有其他野賣, 台式蛋餅同漢堡都有添, 最抵死既就係連Party到會既服務都有, 尋日係我個仔仔三歲既生日, 我前幾日就去"小倆口"order左一d小食同甜品, 估唔到d朋友都話好食, 我自己最鍾意既就係三文治拼盤同鴨胸肉拼腸仔菠蘿, 老公就話鹵水牛展火雞腎同埋黑椒牛柳絲飯最好食, 仔仔當然最UM食就係芒果椰果布甸啦! 不過我都係第一次嚐到有椰果既布甸, 口感一流, 估唔到誤撞誤打咁訂Party, 都有咁多驚喜, 8樣野都幾大份, 價錢都唔算貴, 1500大元有找, 加埋我自己訂既蛋糕同其他食品, 都夠30幾人食飽添! 下次我打算再去"小倆口"試吓佢地既招牌貨"總裁牛肉堡"同埋台式蛋餅, 捻起都好想食添.....超讚!