牛霸小麵店 (Closed)

本身係想食隔離嘅蕃茄麵🍅 不過撞正午飯時段，太多人等位。唯有轉戰隔離嘅牛霸小麵店🐮餐廳裝潢好有特色，不論台內/外都有霓虹燈裝飾同美式掛畫，唔講仲以為食緊西餐！🌟紅燒牛肉麵(❌酸菜 蘿蔔)湯底有香濃嘅藥材味，偏甜一點，不過有湯嘅熱度搭救，入口時第一印象不錯👍🏻麵條轉左做手打麵，不過麵條可能煮耐左，變得相對軟身。個人比較喜歡有咬口嘅麵條，下次都係嗌返正常麵可能會開心啲🥲牛肉就正常有嚼頭，牛筋嘅部分不算多，牛肉嘅份量有3舊，都算夠食。總括嚟講冇太大驚喜😗希望再有機會品嚐牛霸時，可以試埋其他小食/飯類，有一個更充實嘅體驗😉