Brotzeit German Bier Bar & Restaurant (海之戀商場)

Open Now

Now Closed

- 叫咗西冷三成熟，上餐時切開見到已經係六七成熟，同年輕侍應講太熟想換。過一陣另一位較年長侍應攞返碟牛扒嚟，講「雖然係無血水但你睇入面都唔係熟晒」，仲要攞電話出嚟開燈照塊牛扒叫我哋睇。我哋話真係太熟，平時叫三成唔係熟到咁，佢即刻話「我都有食開牛扒嘅我夠知係點啦」，言下之意唔洗我哋教佢點先係三成熟。「咁你睇吓係想我再煮過塊定取消個order啦！」，我哋就話要過另一塊。之後嘅牛扒就真係似返三成熟。我哋切開，三位侍應輪流行過甚至企正喺我哋枱邊望住我哋食。- 侍應上餐，牛扒咁大隻碟，佢就咁放喺我朋友隔離嘅枱角邊就算。- 張單落咗有6杯白酒，我哋4人都記得全晚係叫咗5杯。女侍應話「你哋係嗌咗6杯，有晒時間幾點幾點落架喎！」成晚成10杯飲品，咁當真係我哋4個人一齊記錯，但此餐廳員工態度係奇差，可一不可再。