好一鍋海鮮火鍋專門店 (Closed)

由入座開始，哩位員工已經係黑面，盒紙巾係掟低，唔係放低，跟住一路食野，佢行埋黎拎單，執野，都不停係度口噏噏，問佢講咩，仲要啤住你，之後，隔離枱走，哩位員工去執枱，我身邊有一個放送既枱仔，佢一腳踢埋去張枱仔度，張枱仔，就直接撞埋我隻腳度，我已經即時同個位員工阿姐講，你整到我，但佢一啲反應都冇， 唔好意思，對唔住，都冇講一句，繼續喺度發脾氣執碗，仲要呯呤嘭唥咁張啲碗放入個盤度，(佢好明顯係度發緊脾氣)，但我唔知佢咩事咁噪底，我係拎幫襯，唔係黎收氣，你位員工，如果係做得唔開心既，點解唔同上司溝通一下， 反而對住客人大發脾氣?食物係好食，環境都唔錯，但哩位員工態度， 非常非常非常非常非常之差，更好食都唔會再幫襯。