新本眞茶餐室 (Closed)

上星期専登去試午餐，12:30黎到其實好多位，但長頭髮帶位女員工就用好差態度話食飯時間要黎齊先入得，我理解lunch時間係會人多，但個態度唔需要咁差囉。呢個女員工其實對個個入黎人客都係咁差，要檢討一下。終於入坐叫左叉燒麵餐同牛油果三文治。叉燒唔係平日食開厚身素叉燒，只係平日酸齋放落去，湯底好淡。牛油果三文治牛油果完全無味，沙律醬淡無味，好似食緊白麵包咁。隔黎桌叫左個茄子飯又細碟，佢地食左一半就無食。到1:30已經無人入黎，樓上仲有幾張吉桌，如果再唔改善員工同食物，好快會無人黎。