Video
Read full review
2023-06-10
95 views
一行幾人堂食完順便想加多張外賣單帶走，點知惡夢就開始….. 一開始我直接搵待應落單，佢就叫我自行嘟QR code 教我揀外賣就得，當時佢望住我撳機撳到去入信用卡資料個頁，由於個app落外賣同堂食會有啲唔同，外賣可以選擇自行輸入credit card 同email資料直接pay埋落order，咁我order完就收到email話我的訂單已成功提交，銀行信用卡亦出現此payment record，但一直等等等都未等到外賣出現，咁我地就詢問員工外賣嘅進度，點知佢地就一句撻埋嚟：「我地無收到你張order喎。」不斷表示佢地只跟系統做野，系統無就係無，咁我地嘗試展示電郵訂單及信用卡付款記錄，但當時幾位員工都扮聽唔到，完全無人再理我地，無視我地嘅詢問，之後當我地再次要求佢地可唔可以搵人跟一跟張單或者搵到位有決策能力嘅員工幫幫手，有位疑似比較資深嘅女員工就行嚟，一嚟就質問我地：「你地用咩落單呀？俾咗咩錢呀？你地張單未俾架喎」我地再三解釋唔係堂食order有問題而係仲差一個外賣未到，甚至示範一次點樣經佢地個app 直接俾錢叫外賣，佢望都無望到，完全唔聽客人講罰，仲冷嘲熱諷：「哦 原來係你地自己無啦啦俾錢
之後再：「咁就奇怪啦，我地外賣要$42架唔會收你$41」我地就重申外賣收取了$44，佢再大大聲話：「哼 咁就仲好笑！」明明係個app出現bug，但佢就不斷無理怪責客人做錯咁，其實我地要求好簡單，淨係想知道外賣進度，如果真係落單唔成功就refund，但員工們完全無諗過幫客人解決問題，反正一嚟到就責罵客人，自問一開頭我地都好有禮貌咁查詢，去到後期完全接受不了此員工的態度，明明係個app出現bug，點解員工會無理怪責客人做錯，不斷責怪我地「無理取鬧」，甚至暗示覺得係我地整啲假order email出嚟呃$44，擾攘好耐我地諗住算數直接放棄個外賣，佢最後先不情不願地叫其他同事補回外賣給我們，而當我地離開店舖時，佢更大大聲：「依家啲人真係怪怪地呀！」試問 貴公司嘅落單程式有bug，甚至收集了客人個人資料及信用卡資料，客人付款後卻收不到外賣，只係簡單詢問進度，點解客人要無端受到 貴公司嘅員工責罵，想請問客人錯在那裏？此經驗令我同朋友嘅聚會都蒙上陰影，以後都唔敢再幫襯了
Post