瑞士咖啡室 (Closed)

每一次電話落單員工都一定會勁惡命令式咁講：講聽唔到！可唔可以大聲啲？大聲到就快喺條街度大嗌佢都可以話聽唔到。同一個餐要講最少講三次佢先幫我落到單，嘢飲同佢講凍奶茶佢就問係咪凍咖啡，雞同鴨講。仲有，例如同佢講C2，佢仲問咩C2，要我讀返個中文餐牌俾佢聽，咁請問你set啲編號出嚟做乜，咁基本嘅英文字母餐牌你都唔識，我真係好質疑你嘅能力。而且同佢講完啲餐同嘢飲佢都係勁唔熟啲收銀電腦啲制喺邊，係咁喝人地嗌人哋等等。由於佢成日都聽錯人哋嗌嘢飲，咁我就預先再同佢講多次個嘢飲，費事佢落錯單，個員工就勁大聲喺度喝：等等喇！唔好催我！落緊喇！啲嘢飲成日要重複三次，落幾個餐都可以落咗10幾分鐘，成日就同人講聽唔到聽唔到，成日喝人哋。其他同事聽電話都唔會咁惡劣，每一次都係某位女員工態度勁差。