荷里活冰室 (荔枝角道)

Open Now

Now Closed

一開張就開始幫襯，經常會光顧食早餐及下午茶，現在食物品質已經大不如前，但最惡劣係員工態度。今日早餐，未有人排隊，亦已經落單，等等下早餐突然要我起身轉枱，並且係與人搭枱。其實只係想星期六早上安安靜靜食個早餐，當時餐廳亦唔係好多人，起碼唔係需要搭枱。跟住員工仲話，如果係熟客，就應該接受要搭枱！！我唔清楚呢啲係乜嘢理論，如果有三五個客等緊枱，我可以接受，但當時其實冇人等緊枱。食個早餐，其實係20分鐘嘅事，有冇必要大費周章？茶餐廳，食嘅除咗係食物，仲有嘅係人情味。如果你係有禮貌，希望諒解，我可以將個早餐打包，下次再來。現在，毫冇人情味可言，熟客如我，亦要以字公告一下。