三星台菜食堂 (新城市廣場一期) (Closed)

本身諗住幫襯下黃店，食物普通偏難食牛肉麵湯底太甜、麻辣湯無辣味，牛肉有陣騷味，蒜泥白肉就真係烚腩肉片加啲麻油豉油上去，淡而無味。叫咗個甜湯，啲芋圓無芋頭味又硬，珍珠又硬到咬唔落。食物質素麻麻都算，但係啲店員態度真係差到極。叫個小食，一句得埋黎 「無炸野喎。」都算埋單嗰時個肥女人店員仲好似啞嘅咁，一句野都冇講過，就咁碌完張卡多謝都冇句。諗住問佢要返張單泊車啦，又係唔應我，一野指住我前面示意我自己喺個單夾度拎。食餐飯幾百蚊，咁嘅服務態度，黃店都幫唔落啦下嘛。難食仲要受氣，有人想去嘆下啲西態度就去啦。