米線哥 (Closed)

1745入座，下午茶1800完。一入座就問清楚究竟下午茶八折係「埋單計」定「落單計」，個員工答我「埋單計」。由於我手上面有張滿50減20嘅coupon就過期，我就叫左大概50幾蚊嘅嘢，諗住埋單已經過1800，可以用左佢。點知到上菜嘅時候個阿姐見我張張coupon夾左係埋單紙到，同我講coupon用唔到，話係下午茶時段。我問返佢「頭先咪問左你係落單計定埋單計，你話埋單計吖嘛？」佢無道歉不特止，就咁就行開左，並且嗌返轉頭「下午茶1800完不嬲都係㗎啦！」。既然你知下午茶1800完，咁你又會答「埋單計」嘅呢？到我埋單時要求個經理幫我用左張coupon佢，但經理話用唔到，因為係下午茶時段。我覆述返上面嘅事情比佢知，佢話佢做唔到就係做唔到，並且同我講coupon背後寫得好清楚下午茶時段無得用。我話「我落單之前問清楚係落單定埋單計下午茶時段，而家係你同事做錯嘢，點解係我負責？」佢無辦法回答，淨係堅持coupon用唔到，一定要比下午茶價錢，連個道歉都無。最後我無辦法用到張coupon，亦焗住比多左錢👍👍👍如果大家想享受一下員工連公司政策都唔熟，佢犯錯你埋單，九流服務，食到一肚氣嘅滋味，歡迎去米線哥，