Cluck Cluck (Closed)

見到佢黃店，諗住去支持一下。點之個收銀員收完我錢後，帶住隻紫色手套去廁所，去完用廁所後冇換過對手套，直接幫我pack個外賣盒，隻手套仲接觸到我d食物。 結果我返到屋企要重新煮一次先夠膽食。而家周街病毒，好心注意一下衛生。味道方面還可以，但個咖哩汁真係太少，落完d汁落個飯度，d飯已經吸乾晒d咖哩汁。 原本都諗住間中去支持下呢間小店，但員工衛生實在太差，暫時都唔敢再去幫襯。 希望佢地既員工可以加強返呢方面既意識。