為食火鍋公司

Open Now

Now Closed

入到去裝潢好日式好乾淨企理，哥基主題下食野心情都靚啲～ 由於佢任飲任食，野食未上齊一於去揀左飲品先，好多韓國樂天牌子飲品，同港式滋補養生茶，睇得出餐廳捨得落本。先上刺身同雞煲，可以體驗自己炒，職員會教你點炒，見到你搞唔掂就會出手幫你。炒香完一食就俾雞煲既孜然味同鋪滿面既魷魚、豬皮、牛柏葉吸引住，加少少既辣味好鬼夾好惹味！食曬雞煲職員就會幫你換上火鍋，可以揀蕃茄薯仔湯底或者麻辣湯底，海鮮只上一次但好高質，蠔同海蝦都大大隻好鮮，最緊要係有芋泥包心貢丸！超級驚喜！佢哋既份量好多，我哋一行兩個女仔食完一輪都無再另外order。店舖仲有慈善義賣，將賣出的模型捐贈香港拯救貓狗動物協會。