Video
Read full review
2006-01-03
4 views
2005年1月2日今日有個friend生日,本來話佢元祿食o既,不過最後佢揀左和民。我都冇乜所謂,就當試下新野啦,於是我地一行7人就去左沙田和民喇....先講講環境,果度檯好多,搞到間餐廳都幾迫...原本諗住會有個靜靜地o既環境傾下計...點知我差d連隔離果個friend講咩都聽唔到...好嘈!再講d野食...我地叫左11樣野...~~每一樣都只係夠半個人份量...少得可憐!!!如果份量少但好食都算...最慘o既係大部份都係好唔掂...!!我講講其中幾樣...1)炸雞軟骨-->完全冇味!!neway果d仲好食過佢!!!2)辛味炒年糕-->都係好淡!!又食唔到"辛"味!!3)炒雜菜-->碟野滿果陣都已經少到見底...d炒菜同"辛味炒年糕"d配菜係同一樣野黎o既...4)和風pizza-->大過我隻手掌少少...味道好一般5)泡菜炒飯-->飯熱但係d泡菜係凍o既..!!全無心機之作!!仲要係一人食得一啖...!!6)六色刺身-->師父刀功好差...d魚切得勁厚(唔只半吋)...劍魚同油甘魚都唔新鮮...霉霉地,三文魚我冇試到...八爪魚一般.
今日有個friend生日,本來話佢元祿食o既,不過最後佢揀左和民。
我都冇乜所謂,就當試下新野啦,於是我地一行7人就去左沙田和民喇....先講講環境,果度檯好多,搞到間餐廳都幾迫...原本諗住會有個靜靜地o既環境傾下計...點知我差d連隔離果個friend講咩都聽唔到...好嘈!
再講d野食...我地叫左11樣野...~~每一樣都只係夠半個人份量...少得可憐!!!如果份量少但好食都算...最慘o既係大部份都係好唔掂...!!
我講講其中幾樣...
1)炸雞軟骨-->完全冇味!!neway果d仲好食過佢!!!
2)辛味炒年糕-->都係好淡!!又食唔到"辛"味!!
3)炒雜菜-->碟野滿果陣都已經少到見底...d炒菜同"辛味炒年糕"d配菜係同一樣野黎o既...
4)和風pizza-->大過我隻手掌少少...味道好一般
5)泡菜炒飯-->飯熱但係d泡菜係凍o既..!!全無心機之作!!仲要係一人食得一啖...!!
6)六色刺身-->師父刀功好差...d魚切得勁厚(唔只半吋)...劍魚同油甘魚都唔新鮮...霉霉地,三文魚我冇試到...八爪魚一般...帶子幾新鮮...算唔錯......最後一種係外層燒過o既吞拿魚...味道都ok..但係咁樣算唔算係刺身呢?
我地食清光d野之後個個都唔夠喉...唔夠喉係因為大家都仲好餓...而唔係因為d野好食...雖然壽星仔話想encore,但係我地都唔想再加order...因為真係唔值!!!就算叫多個double大家都唔會飽...所以最後都係去左第二間second round再食過!!
期望唔大但係換黎竟然係咁大o既失望...點得!!
真係唔明點解由我地入去果陣到到食完散band都仲有咁多客等緊位...係我地唔識欣賞...還是好似M記咁...大家已經食到習慣左呢?
Post