Video
Read full review
2014-07-02
337 views
前日(30-6-2014 Mon),爸爸同朋友由大陸返o黎,諗唔到當晚煮咩餸好,我就話出街食.我俾佢決定,佢就話江記.6:40pm,等埋男友收工後,我o地就落去,去到坐低諗,爸爸就即問有冇菜?唔知喎,但我聽到亞姐同第二啲客講油菜得菜心,隔一段時間又話得生菜.我見咁緊迫,就叫爸爸叫o左油菜先,但佢冇理我.而佢朋友只要$18.00o既鹹瘦肉粥,男友要炸兩同$37.00o既雪菜肉絲炆米,我就想要炒麵,但爸爸唔鍾意食炒麵,話要食飯.我提議炒飯,佢又話唔好,有味精.之後又聽到亞姐同客人講冇晒油菜. 預得咁少?我話咁時菜牛腩飯,佢竟然話要梅菜扣肉飯,我即反對,唔俾叫.最後佢話要咖喱牛腩飯,啊.我o地搵人落單喇,亞姐話有兩杯o野飲,爸爸要凍檸水,男友要凍奶茶.呢兩個係飯同米粉包o左o既,睇返張單, 飯同米粉都係$37.00, 炸兩$6.00.鹹瘦肉粥到o黎,大大碗,佢食幾啖後,爸爸問佢好唔好食?佢答好食.爸爸就試啖,佢都話好食.然後兩杯飲品到,我飲啖凍奶茶先,冇乜茶味,奶太多,唔掂.由於炸兩係整定,所以冇理由落o左單,耐一耐都未有,於是我催一催另外o既亞姐,佢就拎o黎.食吓先,嘩!好難食,油炸鬼腍o
6:40pm,等埋男友收工後,我o地就落去,去到坐低諗,爸爸就即問有冇菜?唔知喎,但我聽到亞姐同第二啲客講油菜得菜心,隔一段時間又話得生菜.
我見咁緊迫,就叫爸爸叫o左油菜先,但佢冇理我.而佢朋友只要$18.00o既鹹瘦肉粥,男友要炸兩同$37.00o既雪菜肉絲炆米,我就想要炒麵,但爸爸唔鍾意食炒麵,話要食飯.我提議炒飯,佢又話唔好,有味精.
之後又聽到亞姐同客人講冇晒油菜. 預得咁少?我話咁時菜牛腩飯,佢竟然話要梅菜扣肉飯,我即反對,唔俾叫.最後佢話要咖喱牛腩飯,啊.
我o地搵人落單喇,亞姐話有兩杯o野飲,爸爸要凍檸水,男友要凍奶茶.呢兩個係飯同米粉包o左o既,睇返張單, 飯同米粉都係$37.00, 炸兩$6.00.
鹹瘦肉粥到o黎,大大碗,佢食幾啖後,爸爸問佢好唔好食?佢答好食.爸爸就試啖,佢都話好食.
然後兩杯飲品到,我飲啖凍奶茶先,
冇乜茶味,奶太多,唔掂.由於炸兩係整定,所以冇理由落o左單,耐一耐都未有,於是我催一催另外o既亞姐,佢就拎o黎.
食吓先,嘩!好難食,油炸鬼腍o左不再話吓,最重要係味道變o左,夜晚真係唔好食炸兩. 然後, 咖喱牛腩飯到o黎,
除o左爸爸朋友外,我o地三個人分o黎食,咖喱牛腩內有牛筋,薯仔同番茄,
咖哩有啲辣, 牛腩一啲夠腍一啲唔夠腍,牛筋同薯仔都夠腍,咖哩汁撈隻係一流. 我o地差唔多食完時,雪菜肉絲炆米至到,
睇見佢濕潤,雪菜唔多,味道淡淡地,米粉炒得o岩o岩好,不過呢個味道始終係爭啲.味道係2.72分
服務:
或者因為o岩o岩遇著佢o地食飯時間,得3個人,而又咁o岩多客,但都唔係我爸爸叫個老闆,老闆應一應之後就唔理人,其餘兩人又唔理,又要大聲叫至應.
Post
