四川担担麵 (Closed)

中環食午餐， 好又一餐，唔好又一餐。 今日係OR 排行榜見上環有間新嘅四川擔擔麵，即刻就叫同事陪我試。 去到門口，舖位唔算大，以快餐形式點餐，即先搵位坐低，然後係收錢點餐，再等侍應送餐來。 但見到係一個外國人做收銀，感覺有啲怪怪的。我哋一行4人點咗4個餐，2個酸菜肉絲麵，1個成都擔擔麵同1個重慶擔擔麵。 我知正宗嘅擔擔麵係少湯嘅，似撈麵，所以我叫嘅成都擔擔麵可以接受，只係嫌佢啲麵較淋身，可能係用白麵條，同埋唔係好夠辣，原本諗住叫regular 就算，但諗諗下，老外口味應該唔重，所以叫咗extra spicy, 果然， extra 都只係出面一般嘅辣度。 但同事果啲就慘了， 佢哋嫌酸菜肉絲麵唔夠湯，冇咩酸菜味又冇咩辣味，問侍應攞湯就唔啾唔彩，要問老外先有。 跟餐嘅熱檸茶係冇糖嘅，問侍應攞，佢就俾得果2 茶匙嘅白沙糖，態度其差，餐具又要自己攞，仲要因為我哋坐到最入，個位冇咩冷氣，有點焗，同事極為不滿，唉！ 睇嚟都係冇下次。