唐包點

Open Now

Now Closed

一排無幫襯唐記，原來多左一d客飯，一於試下佢個豬軟骨飯，另外買多個排骨飯，一個燒賣，同埋香芋包，蕃薯包，奶王包同埋一個麥曼頭同屋企人做早餐，放工口渴再飲枝奶茶先。豬軟骨飯和餸分開兩盒，唔洗浸淋晒d飯，唔好諗住細細盒，食落都有6-7舊肉，味濃又軟淋，雖然汁方面油膩d，撈兩啖飯就收手，正，好似豬油撈飯咁。排骨飯係平時叫開嘅，加埋蒸飯鼓油無得彈，唔覺唔覺就食晒成盒架喇。另外四款包係我平時番工或放工肚子餓都會叫的包款，餡料足，而且飽肚，幾蚊一個包抵食。在回家途中飲枝凍奶茶透心涼，奶味茶味都夠！