唐宮小聚 (新港中心)

Open Now

Now Closed

下週因忙於參與各大團年飯局，所以今個星期幾忙都要抽時間見一見honey，以解相思之苦。週四晚放工後，為契妹充當完柴可夫派送糕點後，二人就相約好大家o既另一半喺尖沙咀「唐宮小聚」度黎個double dating「雙」聚一刻。「唐宮小聚」門面睇落唔係好大，不過其實室內空間極廣，應可容納過百人。大堂o既合併式散座完全冇話背貼背，環境潔亮開揚，感覺輕鬆自在。四人訂咗位兼早咗到，故被安排入座較舒適o既梳化位。場內最吸睛都要數為半開放式廚房裝飾點綴o既花花及動物造型包點，可愛極！就連咭片都要放喺蒸籠內，餐廳主打明顯係點心菜式。兩頁中英對照o既點菜紙均印有彩色插圖參考，簡單易明。飲品牌中雖有多款特色手工啤酒，無奈細佬飯後仲要揸車，所以就冇試到。「唐宮小聚」除咗餸菜及手工啤有心思之外，餐具亦用上搞笑o既烏蠅及螞蟻圖案，莫非係寓意著啲食物正到烏蠅螞蟻都要黎嬲？！點來聚聚（$69/五件）：點心拼盤共有五款新派點心，分別為墨魚汁餃、芋蓉流沙、檸檬蝦餃、蜂巢棗糕及賽螃蟹餃，每款均以獨立小籠承載，然後再以大籠上，甚有睇頭。外皮以墨汁特製o既墨魚汁餃其實係進化版蝦餃，咬落第一口先嚐到墨汁皮o既鮮，食到個爽嫩o既蝦