丼丼屋 (德福廣場) (Closed)

好耐冇過嚟荷里活，咁啱知道最近有個小型書展係度搞，一於趁星期五收工過嚟睇下！由於晚市時間，間間餐廳都咁多人，見之前未食過呢間就入嚟試下啦！排左都有半個鐘，我地兩個人就被安排坐係吧台既位置。吧台位置冇地方可以放袋，但等左咁耐時間都唔早就決定拿拿臨食完算（點知後尾見到職員自己幫其他客人拎個籃俾佢地放袋先知原來得我地冇位放）。職員放下menu就行開左。我地叫左個唐揚雞丼配溫泉玉子，啲雞塊有甜酸醬包住，入面又炸完都好juicy唔會乾爭爭，配埋溫泉玉子撈飯食超正！另外仲叫左個牛肉泡菜丼，味道同一般吉野家牛丼一樣，但冇牛汁，搞到啲飯有啲乾，淨係可以撈泡菜食下，感覺一般。我地加錢叫左個刺身定食，刺身味道唔錯但份量有啲少，食完唔夠喉😅雞丼可以再戰但牛丼就不了😅飯量都幾多下，食唔曬超飽。