泰越南

Open Now

Now Closed

同舊同事食午餐，大家有少少漫無目的周圍行，諗起呢間泰菜都OK，就去食個晏啦！朋友叫咗冬蔭公湯河，佢話個河粉都幾好，尤其係個冬蔭公味道唔差，只係河粉真係太吸水，食唔夠一陣就「索」乾哂啲湯，無一開始咁好食wor。我自己就最愛青咖哩，因為之前食都知呢到啲椰汁都幾香，今次再叫。味道都無咩退步，咖哩椰香好出，一碗汁睇落好似無咩幾多雞肉，食開都有唔少，起碼夠下晝飽。反而想講嘢飲，叫咗個珍多冰，不過無哂之前又濃又好味嘅感覺，今次淡如清水之餘冰又多，唔合格。其實見佢一直都用緊泰國人做廚，之前都對佢幾有信心，唔知點解有少少退步的跡象，希望只係一次半次啦。