巧得鍋 (Closed)

呢間睇落好難搵，但其實又好易搵，地方寬敞，呢度特別之處係佢可以一邊燒烤同一邊打邊爐；我地兩個人，就好難食到咁多野；老公鍾意食牛雜，我鍾意食雞煲，所以就試一試佢既牛雜雞煲啦。一座低，店員都會放低小食，青藤椒涼拌花膠，以及兩碟小食，分別係蓮藕同花生。同埋佢另外會提供九宮格醬料，可以自行調配～個雞煲都幾入味，我地叫左半隻雞，份量黎講都可以接受，唔會話好少，食晒都飽左一半。牛雜好淋，唔怕好難咬開；不過老公就覺得可以再多少少牛雜就好D 囉。雞煲醬汁濃郁，雞件新鮮嫩滑，真係好好食，調味好惹味但又唔會太鹹。有大量洋蔥及彩椒吸收曬醬料及雞汁，係雞鍋既精華。食完個雞煲，我地仲叫左少少野食，一個牛頸脊，一個雙併蝦滑，同埋一個冰菜掛架安格斯牛頸脊，擺盤好吸引，牛頸脊肥瘦適中，食落唔會靭，而且牛味濃郁。個蝦滑彈性好好，不過，呢個雙併要是$88， 就好似貴左D，雖然個蝦滑又真係好彈牙，食得出有蝦既。好鍾意食冰菜爽脆既口感!!我有叫左杯檸檬青蘋果汁，上枱既時候顏色好靚，飲落好fresh，打住邊爐飲呢杯啱晒；檸檬青蘋果好有蘋果味，帶微微酸味。可以解熱!!整體味道指數：😋😋😋/5性價比：💰💰💰/5環境：❤️❤️❤️❤️/5服