紫粵軒

一入到間餐廳，星期五晚飯時段都無咩人已經心感不紗。嗌左個2千尾既六人餐：第一碟上既乳豬得六件😂一人一件🙄，可能係食精緻小食，恕我唔識欣賞。每人一碗燉湯，不過不失。隔左好一陣，先黎左個盤菜，再陸續上嗜嗜菜煲，炒飯，加埋杏仁茶，埋單34XX千(連開瓶費300)。每道菜都偏咸，盤菜既食材及味道無驚喜。講梗人均消費係5百幾既時候，哩個價錢並未達標，服務亦只係正常，但份量實食得飽。總括而言，我係唔會再黎哩間食晚飯，亦都唔會介紹比人。