程班長台灣牛肉麵 (Closed)

　食物難食，　環境唔舒適，　差劣的服務！　門前熱烈招攬，　入到去另一回事！　坐低廿鐘都無人理，　落單的 waiter 妹妹好似發夢，　黑口黑面，講咗好似聽唔到，　叫佢比杯水，　當無件事！　我一個人，　有其他客人到時叫我轉位，　都合理的，　咪轉囉！　轉我去坐張門口枱，　同人搭枱，　加送陣陣熱風！　叫左碗　”招牌牛肉麵”，　等成廿多分鐘都未有，搵人幫我追，　居然問：你落左單未？　我話：　叫左好耐！　後來至有個類似話事人的人去追！再等多十分鐘，　終於送來一碗　”牛肉麵”，　吃完想再叫甜品，　叫左五次都無人理，　直行直過！　終於有個 waiter 妹妹埋嚟，　我想叫　”雪耳燉木瓜”，　佢話：木瓜賣晒！　唯有叫　”燉蛋白”，　waiter 問：　你張單呢？　一直都無人比過單噃！　後尾有人攞張單埋嚟，　上面寫　”紅燒牛肉麵＋雲吞”，　奇怪！　我找另一個高瘦waiter 問：　我落單時是叫　”招牌牛肉麵”，　點解．．．”，　高瘦　waiter 話：　一樣架！　我問：　呢個即係　”招牌牛肉麵”？　佢答：　係呀！　後來有個 waiter 又攞多張單埋嚟　”牛肉麵＋甜品”，　總共兩張單，　兩碗麵＋甜品，