烏蠅館 (Moved) New Location

今日同老婆2個行尖沙咀，諗住揾野食醫下肚，但行黎行去周邊都係連鎖食市，睇見都唔想食，行下行下行左去"阿士厘道",入面都幾多食市，竟然俾我揾到一間打正"冒菜"做招牌既餐廳，即時急不及待，登門造訪。上到去環境好別緻，好乾淨，一入去，我地已經話要食烤魚，侍應已經熱情招待，介紹店內主打2款烤魚，一款係"三峽香辣烤魚",另一款係"三峽蒜香烤魚",對我依d嗜辣之人，緊係揀香辣味(有大，中，小辣)之分，第一次食，試左小辣先，另外佢個套餐再分($338 六種配菜,$368 八款配菜,$398 十款配菜),我地2個人食揀左8款配菜，因為我覺得配菜吸晒烤魚既精華係超好食，唔講咁多，去相。。。