泰Grill (天晉匯)

唔計中國菜同日本菜，泰國菜都應該係香港最普遍同最受歡迎的口味之一。【泰 Grill】面積細小，店內甚至完全沒有任何泰國特色，差點以為只是一間普通港式西餐廳。更加出乎意料地，員工完全沒有一位地道香港人，全部都是東南亞國籍人士。假日午市套餐原條菠蘿海鮮炒飯（$108）材料有蝦球、魷魚及菠蘿碎，再加上豬肉鬆及原條菠蘿，即時聯想起典型嘅港式泰國炒飯。不過，印象中喺泰國就未見過這款炒飯。飯粒炒得夠香身、有少少濕，係典型嘅泰式炒飯風味。隨午市套餐附送的冬陰功湯係非常標準嘅泰國口味，微酸勁辣，由外觀至味道俱非常泰國風情；鍾意泰國菜、又唔怕辣嘅話，一定要一試。肉碎生菜包（$82）又係做到了地道泰國風情的菜式，豬肉碎夠辣、又有豐富香料味道。略嫌稍濕，如果可以炒得香口一點、收亁一些水份，風味會更佳。雞中翼（$68）味道少少甜、少少辣，係典型泰式風味沙嗲醬；由於辣度很低，適合大部份香港人口味。只是雞翼烤得未熟透，中心雞肉仍然有點黏骨。雖然唔算好味，但部份菜式味道正宗；如果要求唔高，可以一試。