西門町台灣麵食 (Closed)

夠竟幾時先有得去旅行呢？我要番鄉下，好掛住台灣嘅人同食物。諗諗吓就走咗去西門町食牛肉麵。好，坐低睇吓有咩好食先。牛筋牛肉擔擔麵，牛肉炆得夠軟腍，加上個牛肉醬汁，不油不膩。牛筋夠粗身，食落爽彈，再夾雜少許脂肪，唔錯！擔擔麵麵條夠實淨加埋粒粒花生香，好惹味。腐皮蚵卷，因為我好想食但又驚食唔晒，老闆好好人整半份比我試下，香脆嘅腐皮裡面包住勁豐富嘅餡料，好有層次。蝶豆花茶，揀咗熱情果味，個顏色好靚，本身我都好鍾意飲蝶豆花，加埋甜甜地嘅熱情果汁，清涼又解渴。