Video
Read full review
2019-12-30
41 views
❣️大呷台灣 (中環)中環威靈頓街112-114號新威大廈地下A號舖-----本來想平安夜去台灣玩 但係因為機票太貴 時間又就唔啱 所以最後都係留係香港過節 為咗彌補自己去唔成台灣 所以平安夜當日就揀咗食台灣菜做晚餐😌安撫下我想去旅行的心😂-#大呷紅燒筋肉雙盛牛肉麵（$98）牛展軟腍之餘 牛味亦夠濃 牛筋則彈牙帶嚼勁 兩者都做得唔錯 手作麵底非常煙韌 口感佳 而最欣賞嘅就係佢哋嘅湯底 濃得黎一啲都唔鹹唔油膩 食完完全冇罪惡感 好健康😁-#和風秋葵沙律（$43）材料有番茄粒🍅秋葵同麻醬 雖然材料唔複雜 但呢個配搭確實不錯 酸酸地開胃又好味 而且食落冇咗秋葵嗰種唔係人人都鍾意嘅滑潺潺口感😆-#大呷新竹炒米粉（$98）新竹米粉幼如銀絲 配搭埋豐富嘅材料 如芽菜 肉絲 炒蛋 櫻花蝦同大蔥等 入口口感及味道俱佳 櫻花蝦更係提升咗成個味道嘅層次令炒米帶有天然嘅鹹香味🦐-#蜂蜜熱情果茶（$28）未飲已經聞到馥郁嘅果香 飲落酸酸甜甜 味道清新 令人覺得好梳乎😚-#蘆薈冬瓜茶（$33）蘆薈落得夠重手 冬瓜茶甜到控制得恰到好處 唔會過甜 整體唔輸喺台灣飲唔到嘅冬瓜茶🤩-⭐臨走前餐廳仲送咗兩粒鳳梨酥 味道有啲
中環威靈頓街112-114號新威大廈地下A號舖
-----
本來想平安夜去台灣玩 但係因為機票太貴 時間又就唔啱 所以最後都係留係香港過節 為咗彌補自己去唔成台灣 所以平安夜當日就揀咗食台灣菜做晚餐😌安撫下我想去旅行的心😂
-
#大呷紅燒筋肉雙盛牛肉麵（$98）牛展軟腍之餘 牛味亦夠濃 牛筋則彈牙帶嚼勁 兩者都做得唔錯 手作麵底非常煙韌 口感佳 而最欣賞嘅就係佢哋嘅湯底 濃得黎一啲都唔鹹唔油膩 食完完全冇罪惡感 好健康😁
-
#和風秋葵沙律（$43）材料有番茄粒🍅秋葵同麻醬 雖然材料唔複雜 但呢個配搭確實不錯 酸酸地開胃又好味 而且食落冇咗秋葵嗰種唔係人人都鍾意嘅滑潺潺口感😆
-
#大呷新竹炒米粉（$98）新竹米粉幼如銀絲 配搭埋豐富嘅材料 如芽菜 肉絲 炒蛋 櫻花蝦同大蔥等 入口口感及味道俱佳 櫻花蝦更係提升咗成個味道嘅層次令炒米帶有天然嘅鹹香味🦐
-
#蜂蜜熱情果茶（$28）未飲已經聞到馥郁嘅果香 飲落酸酸甜甜 味道清新 令人覺得好梳乎😚
-
#蘆薈冬瓜茶（$33）蘆薈落得夠重手 冬瓜茶甜到控制得恰到好處 唔會過甜 整體唔輸喺台灣飲唔到嘅冬瓜茶🤩
-
⭐臨走前餐廳仲送咗兩粒鳳梨酥 味道有啲似台灣好出名嘅微熱山丘 唔錯 完全滿足左我個台灣癮😁
-----
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowcentral
Post
