金饍韓國料理 (Closed)

公司不是行去每一個地方都唔使淋雨，每次落雨就好頭痕！貴d都頂硬上啦！去食貴野，北京道一號！上到8樓，好多人排隊，好彩有訂位，尖沙咁黎講唔貴了，望到維港海景，坐得又舒服，都值回票價，揀左烤牛肉飯。坐得已經有前菜食，泡菜是必有的，三小碟，份量都唔少，唔算辣，仲有湯送，湯有啲似南瓜湯，但比較淡我懷疑呢個烤牛肉飯係烤定的，等左5分鐘左右就有得食！牛肉幾有咬感，有啲牛肉又有啲肥牛，上菜時啲洋蔥仲係生的，因為鐵板上菜，已經變全熟了！熟晒淋晒既洋蔥好好味，夠爽口！牛肉肉質唔韌，有啲似吉野家牛肉！$70，OK啦，埋尾時仲送coupon，200蚊減50蚊，600蚊減200蚊，抵食！下次再幫襯先！