8
15
39
Level2
6
0
唔使錢都唔好去
2006-06-12 16 views
在下於6月11日與友人想食日本野啦. 諗住呢間野咁平咪上去試下囉, 0係入去既時候, 樓下0個位姐姐問我地幾多位啦, 當我答完佢之後, 佢就好似玩急口令咁講0左一輪野, 大致上我都知佢係叫我地上去0既. 咁就上去啦. 上到去, 帶位0個位姐姐帶我地去到轉角位就企0左0係度喇. 我仲諗住有第2個帶我地埋位啦, 點知唔係(究竟我應該坐邊度呢?). 好! 你唔帶我就搵位坐啦. 好喇就坐窗邊0既2人位啦. 坐底之後, 我除左見到面有個茶壺, 窗邊有張飲品menu同張單之外就乜都冇喇(死火! 究竟呢度有乜野食呢? 唔係要我走去bar0下嘛). 跟住過0左2-3分鐘後, 有人俾多1個茶壺我地(0下? 1人1個茶壺就咁飲咁豪). 想出聲問之際, 終於有第2個0黎收走1個茶壺同埋俾2隻杯& wasabi喇. 有杯喇唔使用茶壺囉. 跟住我同友人研究呢度究竟有乜野食啦, 友人終於忍唔住要問喇. 嘿! 問佢地有冇menu, 答你冇(唔係嘛?), 佢仲夠膽死問我地想食乜, 友人就問佢有冇海膽壽司, 劍魚壽司啦. 答案都係冇(你又冇menu, 我地想要0既你又冇, 咁究竟有乜野食呢?). 最後佢叫我地埋bar自
Read full review
在下於6月11日與友人想食日本野啦. 諗住呢間野咁平咪上去試下囉, 0係入去既時候, 樓下0個位姐姐問我地幾多位啦, 當我答完佢之後, 佢就好似玩急口令咁講0左一輪野, 大致上我都知佢係叫我地上去0既. 咁就上去啦. 上到去, 帶位0個位姐姐帶我地去到轉角位就企0左0係度喇. 我仲諗住有第2個帶我地埋位啦, 點知唔係(究竟我應該坐邊度呢?). 好! 你唔帶我就搵位坐啦. 好喇就坐窗邊0既2人位啦. 坐底之後, 我除左見到面有個茶壺, 窗邊有張飲品menu同張單之外就乜都冇喇(死火! 究竟呢度有乜野食呢? 唔係要我走去bar0下嘛). 跟住過0左2-3分鐘後, 有人俾多1個茶壺我地(0下? 1人1個茶壺就咁飲咁豪). 想出聲問之際, 終於有第2個0黎收走1個茶壺同埋俾2隻杯& wasabi喇. 有杯喇唔使用茶壺囉. 跟住我同友人研究呢度究竟有乜野食啦, 友人終於忍唔住要問喇. 嘿! 問佢地有冇menu, 答你冇(唔係嘛?), 佢仲夠膽死問我地想食乜, 友人就問佢有冇海膽壽司, 劍魚壽司啦. 答案都係冇(你又冇menu, 我地想要0既你又冇, 咁究竟有乜野食呢?). 最後佢叫我地埋bar自己啦(嘿! 俾我估中. bar己經坐滿晒人喇, 你要我插隻手入去呀?). 唉.....攪0左一輪, 谷鬼氣. 乜都冇食就走喇.
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value