Jacomax

Open Now

Now Closed

喺銅鑼灣開左唔係好耐嘅pizza店，夜晚都會見到人龍，lunch 12點去都會有位。食左幾樣野，都好鍾意，唔會話好重味。會再去。《暴龍》- HK$188我地就係比個名吸引到叫佢。呢個pizza上嘅都係一啲醃制肉如pepproni，ham，salame。但出奇地味道係剛剛好，唔會好鹹，可能係因為佢嘅料唔係鋪到滿一滿關係。 《藍芝士蘋果薄餅》- HK$188呢個pizza係比較特別，你會見到網上好多人推介。佢藍芝士味偏濃，帶啲蘋果嘅甜味，甜甜地嘅pizza，我覺得幾易入口，幾好味。但如果接受唔到藍芝士味道嘅人就接受唔到了，我地5個人食，有3個人都不太喜歡隻藍芝士味。《香烤黑椒雞翼》- HK$58 烤得香口，唔會好鹹同超濃味，味道剛剛口，輕微黑椒味，越食越想食。《松露油牛肝菌火腿大通粉》- HK$165松露味濃，好creamy，亦唔會好溜，好味！《炸魷魚》- HK$88香脆，魷魚彈牙，又有魷魚圈又有魷魚蘇。