池記 (Closed)

行過德福,明明想去洗手間,點知見到有麵食,又忍唔住行入去,都差不多到落閘放狗等收工時間,幾位阿姐唔得閒理你,都等左一陣,終於有人落單.一向都最推麥文記,池記講起都瘀,竟然第一次食,真係有無攪錯.當然地要雲吞麵,雲吞放底麵係面,正常,呷啖湯,雖未夠濃,但依然幾香,不過不失,麵淥得洽到好處,亦沒有奪命鹼水味,又合格,雲吞包得正常,但食落有點淡.大概是好旺角的級數,比上不足,比下有餘.廿幾蚊一碗,又要燈油火臘又要人工又要租,都唔知有幾多食落肚.