夜貓。燒

Open Now

Now Closed

位於朗屏嘅小店，專做串燒，真係幾有驚喜！脆蓉茄子首先要推介佢哋嘅脆蓉茄子，外皮炸得好脆，內裡軟腍，蒜香味十足，食落口感好正。蜜燒雞中翼蜜燒雞中翼亦都唔錯，雞翼燒得啱啱好，皮脆肉嫩，蜜糖嘅甜味同燒烤嘅香氣融合得好自然。和牛牛肋條，厚切牛舌芯串和牛牛肋條油脂豐富，入口即溶，燒得啱啱好，唔會過火。厚切牛舌芯串口感彈牙，牛味濃郁。蟹肉蟹膏甲羅燒蟹殼上面鋪滿曬蟹肉同蟹膏，未食已經聞到陣陣海鮮嘅鮮味。食落口，蟹肉鮮甜，蟹膏濃郁，油脂豐富但唔會過膩，入口即化。黃立倉魚肉質地結實，味道鮮甜。食落去，魚肉充滿咬口，冇一般魚類咁容易散開，反而帶有一種彈牙嘅感覺，仲保留住魚本身嘅鮮味。燒得啱啱好，外皮微焦但唔會太乾，仲帶有一陣自然嘅炭燒香氣。最欣賞嘅係，魚本身冇太多調味，保持咗食材嘅原味，配上少少鹽或者檸檬汁，已經足夠令到魚味更加突出。蒜蓉粉絲貴妃蚌貴妃蚌非常鮮嫩，口感爽口彈牙。至於底下嘅粉絲，吸晒咗貴妃蚌嘅鮮味同蒜蓉嘅香氣，變得非常入味。蒜蓉經過燒烤之後，帶有一陣微微嘅焦香，亦唔會過於刺激，反而同粉絲同蚌完美融合。