Video
Read full review
2008-06-24
38 views
6月21日, 在九龍塘讀左3年書都未食過一次清真牛肉館… 呀比仲話, 佢寫低左話要食都寫左5年啦… 實在太過份啦!! 今日返母校睇exhibition, 終於有機會一試~ 不過等15張台, 都差不多等左成個鐘先有得食!!::: 牛肉餅 (2件) ::: $20好快黎到~ 熱辣辣~ 見面頭乾乾地, 一咬, 果然係爆汁~ 好彩d汁唔係好辣口~ 牛肉仲係粉紅色armarm熟狀態, 好鮮味~ 不過個餅皮就唔夠脆, 同埋油左d. 總算係終於一試;~::: 咖哩牛腩飯::: $35呢個真係好普通. 同淨咖哩牛腩比較呢個咖哩份量真係少得可憐… 不過送飯黎講都算armarm好. 面頭一層辣油下面係辛辣咖哩基本上同一般港式咖哩無異吧… 牛筋比例上亦多, 牛腩有d韌同埋實的的. 一兩舊薯仔亦係偏硬. 其實, 好多茶餐廳既咖哩牛腩飯都差唔多啦!! 另外仲要咗一罐可樂要成$8!好喇~ 終於試咗. 服務冇人地講得咁差, 坐位亦冇想像中咁窄. 不過5 pair唔識既人坐埋一圍好似一家人食飯咁好搞笑~牛肉餅係好味的但係亦唔係話要特登黎兼喪等都要食咁好食. 下次如果有幸經過又唔洗等位買黎食下都唔錯~ 門口有位泊, 下
今日返母校睇exhibition, 終於有機會一試~ 不過等15張台, 都差不多等左成個鐘先有得食!!
::: 牛肉餅 (2件) ::: $20
好快黎到~ 熱辣辣~ 見面頭乾乾地, 一咬, 果然係爆汁~ 好彩d汁唔係好辣口~ 牛肉仲係粉紅色armarm熟狀態, 好鮮味~ 不過個餅皮就唔夠脆, 同埋油左d. 總算係終於一試;~
::: 咖哩牛腩飯::: $35
呢個真係好普通. 同淨咖哩牛腩比較呢個咖哩份量真係少得可憐… 不過送飯黎講都算armarm好. 面頭一層辣油下面係辛辣咖哩基本上同一般港式咖哩無異吧… 牛筋比例上亦多, 牛腩有d韌同埋實的的. 一兩舊薯仔亦係偏硬. 其實, 好多茶餐廳既咖哩牛腩飯都差唔多啦!! 另外仲要咗一罐可樂要成$8!
好喇~ 終於試咗. 服務冇人地講得咁差, 坐位亦冇想像中咁窄. 不過5 pair唔識既人坐埋一圍好似一家人食飯咁好搞笑~
牛肉餅係好味的但係亦唔係話要特登黎兼喪等都要食咁好食. 下次如果有幸經過又唔洗等位買黎食下都唔錯~ 門口有位泊, 下次揸車黎~
Post
