麻布茶房 (Closed)

今晚同朋友兩個人去九龍灣行街，見到呢間啲扒同邊爐幾平就入去試下。點知入到去就得定食同扒嘅餐牌，隔離檯都係，我估係如樓上啲食評所講邊爐賣晒所以無。坐咗好耐，見到隔離檯個個都有杯茶，係得我地呢檯無，最尾要自己去斟茶朋友話第一次遇到要客人自己去斟茶嘅餐廳。我叫咗個美式雜扒，有三塊扒，伴碟嘅有啲洋蔥，粟米，一條腸仔，一舊西蘭花，一片火腿，味道普通。牛扒我最後先食嘅，唔知係咪放得耐（唔係一上碟即食）覺得有啲韌。