Video
Read full review
2021-07-23
732 views
好差既經歷⋯⋯平時都唔係點寫食評既，但係食物太參差真係忍唔住出聲⋯⋯等位等左10分鐘，一入到去d侍應既感覺唔太有善，經常匿響廚房自己傾偈。間野係自己掃Qr code落單，但係一開頭我同我朋友都唔知寫左外賣紙張menu然後比侍應，開頭佢堅持唔收，要我地電話落單。不過我地入左個網又落唔到order，問左另一個侍應佢就幫我地用手機試，試左幾次都唔得，試埋隔離檯個code先發現個server斷左work唔到，果個女仔行開左，然後大聲講左句：「又斷server好煩呀！」，然後要我地自己用手寫單。落單後就等左好耐，差唔多有半粒鐘，明明都冇乜新既客人入黎，其他坐緊既客人又已經食緊野，d侍應都係到自己傾計好似冇咩野做。不過我地冇催單因為仲有d耐性，如果佢d野食好食既話都值得等既，可惜就只有失望而回。首先黎既係煎蒜芯豬肉餃，冇乜特別，雖然蒜味係ok重但煎到又乾又硬，而且唔係好多肉汁，只能說中規中矩。朋友個兜就炸黑松露豬肉餃，好差，乾到爆，d皮又厚又硬，仲要冇乜黑松露味，得少少黑松露油味，同食普通豬肉餃冇分別。過左陣先黎個主食（我見隔離檯仲要食哂d餃子兜烏冬先黎，但係兜烏冬睇落只係好簡單倒d湯入個碗到就搞
平時都唔係點寫食評既，但係食物太參差真係忍唔住出聲⋯⋯
等位等左10分鐘，一入到去d侍應既感覺唔太有善，經常匿響廚房自己傾偈。間野係自己掃Qr code落單，但係一開頭我同我朋友都唔知寫左外賣紙張menu然後比侍應，開頭佢堅持唔收，要我地電話落單。不過我地入左個網又落唔到order，問左另一個侍應佢就幫我地用手機試，試左幾次都唔得，試埋隔離檯個code先發現個server斷左work唔到，果個女仔行開左，然後大聲講左句：「又斷server好煩呀！」，然後要我地自己用手寫單。
落單後就等左好耐，差唔多有半粒鐘，明明都冇乜新既客人入黎，其他坐緊既客人又已經食緊野，d侍應都係到自己傾計好似冇咩野做。不過我地冇催單因為仲有d耐性，如果佢d野食好食既話都值得等既，可惜就只有失望而回。
首先黎既係煎蒜芯豬肉餃，冇乜特別，雖然蒜味係ok重但煎到又乾又硬，而且唔係好多肉汁，只能說中規中矩。
朋友個兜就炸黑松露豬肉餃，好差，乾到爆，d皮又厚又硬，仲要冇乜黑松露味，得少少黑松露油味，同食普通豬肉餃冇分別。
過左陣先黎個主食（我見隔離檯仲要食哂d餃子兜烏冬先黎，但係兜烏冬睇落只係好簡單倒d湯入個碗到就搞掂既鰹魚湯底烏冬，真實點整就唔清楚），我地嗌左溫泉蛋紫菜飯同豆漿蝦皮米線。兜飯d米好硬，同隔夜飯既口感一樣。兜米線湯底淡，而且好細碗，雖然我知係有得嗌多米線，但係你$62黎講regular size都真係太少，份量似下午茶餐多d。
食緊果陣又有好多大隻細隻既烏蠅飛黎飛去，本身好肚餓都搞到唔太開胃⋯⋯
其實我都唔想寫到間黃店咁差，但係個經歷實在唔太開心，無論係環境、服務態度定係食物質素都係十分參差，仲要比成$62/餐，屋企就煮到既水準，我自己覺得其他連鎖店都比佢好食⋯⋯
其實唔係話係黃店就算好唔好食都要盲沖去支持⋯⋯冇心做真係唔好做啦⋯⋯
皮硬到刮親牙肉既黑松露豬肉餃
8 views
0 likes
0 comments
8 views
0 likes
0 comments
Post
