Video
Read full review
2006-09-05
26 views
見下面班朋友講到五十嵐咁唔掂, 我好想幫佢平反, 因為我近月都有去食, 食物同服務都唔係差喎有日行開去探朋友, 阿嫂煮左佢飯, 老婆要開會, 於是係樂富EYT。上次同朋友食過牛車水, 都好好味, 原本要反桌佢個咖哩牛腩架喇, 點知落到平台, 就係牛車水隔離見到係呢間cheap cheap 日本野入面, 有兩條中一仔, 係無家長陪同下, 竟然可以自己打邊爐, 仲係度烚緊牛肉。咁, 我既胃食基因就收到發生緊乜事喇。首先, 好有必要講佢有幾抵。開價$58 任點任食, 走人時好君真亦係$58, 加一醬油茶芥全部都唔收。咁食乜呢? 一大抽野, 計有: - 一開黎先黎一個邊爐拼盤乜都有- 壽司拼盤: 都好味企理, 唔會濕濕腥腥(我諗去得都唔會同板前呀峰呀果比喇) - 天婦羅拼盤(多春魚南瓜加冬菇, 好味) - 日式小食十多款選一, 有飯有粥有燴牛尾炸雞炸尢魚鬚等等。我地試過薑汁炒飯, 日式炸雞, 炸尢魚鬚, 炸物相當好, 好味同企理唔那渣, 個炒飯老婆試過話麻麻, 我去到梗係cher 牛, 點會仲得閒同五穀玩。一路食其實仲有廿幾三十款邊爐料俾你揀任你叫, 最開心梗係有牛肉, 黑爽豬, 圍蝦, 金菇
有日行開去探朋友, 阿嫂煮左佢飯, 老婆要開會, 於是係樂富EYT。上次同朋友食過牛車水, 都好好味, 原本要反桌佢個咖哩牛腩架喇, 點知落到平台, 就係牛車水隔離見到係呢間cheap cheap 日本野入面, 有兩條中一仔, 係無家長陪同下, 竟然可以自己打邊爐, 仲係度烚緊牛肉。咁, 我既胃食基因就收到發生緊乜事喇。
首先, 好有必要講佢有幾抵。
開價$58 任點任食, 走人時好君真亦係$58, 加一醬油茶芥全部都唔收。
咁食乜呢? 一大抽野, 計有:
- 一開黎先黎一個邊爐拼盤乜都有
- 壽司拼盤: 都好味企理, 唔會濕濕腥腥(我諗去得都唔會同板前呀峰呀果比喇)
- 天婦羅拼盤(多春魚南瓜加冬菇, 好味)
- 日式小食十多款選一, 有飯有粥有燴牛尾炸雞炸尢魚鬚等等。我地試過薑汁炒飯, 日式炸雞, 炸尢魚鬚, 炸物相當好, 好味同企理唔那渣, 個炒飯老婆試過話麻麻, 我去到梗係cher 牛, 點會仲得閒同五穀玩。
一路食其實仲有廿幾三十款邊爐料俾你揀任你叫, 最開心梗係有牛肉, 黑爽豬, 圍蝦, 金菇秀珍菇任卓喇。其他料都不缺架, 大路野唔細講姐。
牛肉好鮮, 豬肉都好, 烚熟都爽, 我每次閒閒地佢五六轉。
咁抵既價錢, 飲野要另叫真係合情合理, 有$20 鮮橙汁, 打邊爐買一送一, 又係好抵。另外佢有個餐跟台式飲料, 鍾意都諗得過既, 同食$58 + $20 橙一樣價(兩位計), 我唔like 台野, 覺得麻麻地好飲。
五十嵐之前發生過乜事我真係唔知, 但依我見, 個場企理舒適冷氣足, 夜場服務好好, 見幾個經理同士仔都好落力, 靚都忙到踢晒腳(因為真係好爆場), 但叫野無乜試過話要追先有, 佢地係有柴娃娃, 但係見佢地做得係開心果隻, 收碟呀叫野呀無鑊撈咁既面口, 我所見好過好多食肆喎!
Post