稻庭養助

Open Now

Now Closed

呢間位於紅磡嘅日式餐廳幾出名，有幾次約唔同朋友喺呢度食飯，佢哋都會提議呢間餐廳或者問有冇食過。今日終於首次嚟到餐廳試試，餐廳都幾高人氣，建議要訂枱先好黎。我同朋友一人叫咗一個烏冬，另外再加小食。首先係天婦羅盛盒烏冬($120)，配凍烏冬。雜錦天婦羅都幾豐富，烏冬凍食會好啲，因為會無咁淋身。另外，我哋試咗一個湯烏冬，滑蛋湯烏冬($108)，個湯口感比較杰身，是粟米魚肚羹嘅質感。而且湯烏冬嘅熱烏冬無乜彈性，我唔係好鐘意，反而打邊爐嘅平價烏冬仲啱我口味。小食方面，我哋就要咗個清酒煮蜆，隻酒味幾特別，又夠濃唔錯。不過上面推草扣左少少分🙈。