臻味豬扒酸辣米線

Open Now

Now Closed

呢排牙肉腫咗，唔想再食一啲熱氣又刺激嘅食物。唉點知隔離間譚仔搬咗去觀塘廣場， 本來諗住食米線易入口，唯有行遠啲去隔離間臻味米線幫襯。入到去心諗，死火嘞酸辣米線都好刺激喎。不過好彩，呢度除咗酸辣米線之外，仲有泡飯食嘅! 叫咗個清清哋嘅蠔仔肉碎泡飯。其實之前都係依間食嗰啲蠔仔，味道好好。今次番卓，依然好新鮮 又卜卜脆，味道又唔腥夠鮮甜，有啲仲幾大粒添。而且份量幾多下，多過我叫酸辣米線做餸。不過有2粒有少少殼痴住，而湯底就好出奇地冇加薑，啱曬我呢啲唔係好鍾意食薑嘅人。但係佢個湯又唔過好腥喎。而啲飯食落都幾軟綿綿，易入口。其實喺間酸辣米線到食到其他嘢，畀多啲選擇係人都幾好呀。