Video
Read full review
2024-11-24
3675 views
用餐十分不愉快，整間餐廳員工欠缺訓練首先，一早於sevenroom網上訂座，但到達時，前台告訴我己將我按為noshow並且沒有枱比我。前台更指說條款下有寫遲15分鐘就唔會留位。可笑的是其實我只是遲了8分鐘。其實明白餐廳冇位，直接啲講冇位叫我等陣會好過冇啦啦叫個客人睇條款，但係又唔係真係跟個條款做嘢。咁我梗係唔服氣直接指住個時間比佢睇未夠15分鐘啦，個前台既態度就係(我係冇留枱比你，吹呀？)最後，我係有book位亦都遵守條款嘅情況下都仲要等多15分鐘先可以入座。可見餐廳的管理有待改善。入到餐廳後，戲肉先到，落單個個侍應(外藉姐姐)將我哋將枱同隔離張枱既order 撈亂咗。沙律前菜上咗三次比我地，飲品撈亂。到主菜，大概等左半個鐘先有嘢上到，仲要錯嘅。又係同隔離枱掉轉左🙏，咁隔離枱好彩啲，有個類似老闆既人serve佢，佢哋冇收走錯既餐(AKA我叫嘅嘢食)，仲請佢哋飲嘢添~咁睇落好恰既我，啲嘢食梗係都係錯啦(又上咗隔離枱叫既嘢食)，我哋就收走左，再額外等多半個鐘先有主餐食。其實你哋gimmick係意粉放題，你比我食住錯既意粉先都得掛，牛扒枱枱都一樣架啦？最嬲嘅我哋由頭到尾都冇人同我哋講一聲唔好
首先，一早於sevenroom網上訂座，但到達時，前台告訴我己將我按為noshow並且沒有枱比我。前台更指說條款下有寫遲15分鐘就唔會留位。可笑的是其實我只是遲了8分鐘。其實明白餐廳冇位，直接啲講冇位叫我等陣會好過冇啦啦叫個客人睇條款，但係又唔係真係跟個條款做嘢。咁我梗係唔服氣直接指住個時間比佢睇未夠15分鐘啦，個前台既態度就係(我係冇留枱比你，吹呀？)最後，我係有book位亦都遵守條款嘅情況下都仲要等多15分鐘先可以入座。可見餐廳的管理有待改善。
入到餐廳後，戲肉先到，落單個個侍應(外藉姐姐)將我哋將枱同隔離張枱既order 撈亂咗。沙律前菜上咗三次比我地，飲品撈亂。到主菜，大概等左半個鐘先有嘢上到，仲要錯嘅。又係同隔離枱掉轉左🙏，咁隔離枱好彩啲，有個類似老闆既人serve佢，佢哋冇收走錯既餐(AKA我叫嘅嘢食)，仲請佢哋飲嘢添~
咁睇落好恰既我，啲嘢食梗係都係錯啦(又上咗隔離枱叫既嘢食)，我哋就收走左，再額外等多半個鐘先有主餐食。其實你哋gimmick係意粉放題，你比我食住錯既意粉先都得掛，牛扒枱枱都一樣架啦？最嬲嘅我哋由頭到尾都冇人同我哋講一聲唔好意思😀相反，隔離枱又有野飲送，又可以食多幾款意粉
最後，到埋單又係錯嘅，又將隔離枱既單比我哋埋😇
講真收388蚊，咁既服務，嘢又唔係話好食，意粉牛扒都係普通，我就唔會再去囉。寧願去隔籬p字頭手工意粉好過，仲平啲添
近期IG /小紅書咁多廣告，openrice都好多foodie大讚，大家心照啦。
Post