Video
Read full review
2009-12-27
30 views
數月前，因為星期日晚無人煮飯，所以決定試下屋企樓下開o左幾個月果間『芝脆雞』。好記得果次我夜晚 18︰ 已經o係鋪頭落 Order，叫o左個 $35 (自取 +$1) 焗闊條麵套餐。落完 Order，收銀員叫我行下先，四個字 (20 分鐘) 後返o黎拎。於是我就o係商場逛o左四十分鐘先再返去打算拎o野。點知，我行完八個字後返到去，店員話仲未焗好，叫我等多五分鐘。點知我等o左十分鐘，仲未有得拎。期間，我見有好多灶食o既焗闊條麵都焗起，咁我再問店員到底係唔係漏單啦，店員堅稱唔係，死都話係焗緊。但我問點解堂食係咁出，外賣就無，佢就只係話『做緊喇做緊喇﹗』﹗最後等到 19︰10，仍然乜都等唔到，最後，叫收銀 VOID 單，去大家樂買個燒味飯都唔使等五分鐘﹗ 今日，再一次屋企無人煮飯。始終唔信邪，再去多次呢間『芝脆雞』度再叫外賣。今次同樣係叫果個 $35 o既焗闊條麵套餐。今次落單時間係 18︰50 左右，今次落完單，收銀無話幾耐先有得拎，我已經醒目問定佢，佢就答我五個字左右。咁我就o係商場行一陣，再返去佢門口打住機等拎o野啦﹗等到 19︰20，都未叫 Number，所以就問問店員仲要等幾
今日，再一次屋企無人煮飯。始終唔信邪，再去多次呢間『芝脆雞』度再叫外賣。今次同樣係叫果個 $35 o既焗闊條麵套餐。今次落單時間係 18︰50 左右，今次落完單，收銀無話幾耐先有得拎，我已經醒目問定佢，佢就答我五個字左右。咁我就o係商場行一陣，再返去佢門口打住機等拎o野啦﹗等到 19︰20，都未叫 Number，所以就問問店員仲要等幾耐，店員入廚房行o左一轉出返o黎，話『焗起o架喇，Pack 緊﹗』咁一心諗住幾分鐘內有得拎，所以企o係取餐處度等啦，點知，一等又係十分鐘﹗於是又再問另一名店員啦，店員再入廚房再手問，問完出o黎話『唔好意義呀﹗你張單廚房做錯o左做焗飯﹗如果唔介意要焗飯就等多五分鐘，如果你要返闊條麵就等多二十分鐘啦﹗』於是我就同店員講理，問佢點解頭先店員 A 就同焗好， Pack 緊，而家就同我講做錯o左，就算我 Accept 要個焗飯都要等多五分鐘？店員支吾以對，話可能係同事誤會o左云云﹗最後，我再一次叫收銀 VOID o左張單，去o左樓下麥當勞買個餐返屋企食……
除o左我之外，期間亦見有幾張 Order 都係等o左好耐o既，有其他顧客都已經o係度鼓譟緊﹗而且我聽到有人打電話o黎落單，送餐時間已經排到兩個鐘以後。而 D 電話客都不停打電話o黎摧﹗所以證明呢間『芝脆雞』真係唔適合您趕時間時去食o既﹗如果您o既 Lunch 或者 Dinner Time 係預o左有二三四個鐘的話，不妨可以試下 Order 呢間o野，叫完慢慢等﹗如果唔係的話，算數吧啦﹗同一商場內有好多更有效率o既快餐食店﹗
Post