Video
Read full review
2015-12-20
1428 views
係揾緊旺角有d咩好野食時，被呢到既醃蠔仔同醃海膽吸引左，而且見價錢都幾便下，於是就過黎食，地點都幾辟下，去到見排哂長龍，本身想放棄，但真係好想試下個醃蠔仔同醃海膽，最後排左成個鐘先有位，排緊個陣店員都好好，有開暖爐俾我地等我地排緊個陣都唔會凍，到有位但要坐出面，但張枱又斜張櫈又好似就黎反咁，不過唔理咁多啦，叫左野食先醃海膽&醃蠔仔:呢兩樣咸得黎都仲食到陣鮮味，如果用粥應該幾惹味，但個日無嗌粥，所以用飯送，咸左d鍋燒肉:個皮炸得幾酥脆同香，但肥膏太多，我地淨係食d瘦肉，最後淨低半碟肥膏，好似無食過野咁巨型脆香手打魚皮:個名好勁但食落去不外如是，食落去個皮都係酥脆，魚蛋都彈牙，但食落口其實都好普通小米餃:外皮煙un似雲呑皮，內裏有d魚乾碎同豬肉碎，味道唔錯但可以咸番少少，側邊既醬無味的⋯⋯牛雜鍋:上枱等佢滾5分鐘就食得，起筷個陣好期待食牛腩，但摷暈成煲野得3粒牛腩碎！其餘全部係牛柏葉同幾條粉腸，好寡，而且成煲都幾清淡下，無乜香料味，底仲有d蘿蔔，但因為幾清淡既關係所以就算蘿蔔索哂d湯都無話特別好食頗失望的一餐，話哂都排左成個鐘，又咁多人食，但真係十分普通，由其是排左咁耐更加覺得不值，亦無一
醃海膽&醃蠔仔:呢兩樣咸得黎都仲食到陣鮮味，如果用粥應該幾惹味，但個日無嗌粥，所以用飯送，咸左d
鍋燒肉:個皮炸得幾酥脆同香，但肥膏太多，我地淨係食d瘦肉，最後淨低半碟肥膏，好似無食過野咁
巨型脆香手打魚皮:個名好勁但食落去不外如是，食落去個皮都係酥脆，魚蛋都彈牙，但食落口其實都好普通
小米餃:外皮煙un似雲呑皮，內裏有d魚乾碎同豬肉碎，味道唔錯但可以咸番少少，側邊既醬無味的⋯⋯
牛雜鍋:上枱等佢滾5分鐘就食得，起筷個陣好期待食牛腩，但摷暈成煲野得3粒牛腩碎！其餘全部係牛柏葉同幾條粉腸，好寡，而且成煲都幾清淡下，無乜香料味，底仲有d蘿蔔，但因為幾清淡既關係所以就算蘿蔔索哂d湯都無話特別好食頗失望的一餐，話哂都排左成個鐘，又咁多人食，但真係十分普通，由其是排左咁耐更加覺得不值，亦無一道菜令我覺得係特別難忘
Post
