Oddies (Closed)

好耐之前都聽過oddies出名食雪糕+雞蛋仔，見到人地相入面既朱古力軟雪糕好深色好濃咁，當時重係灣仔，不過到想食個時就執左，同伴娘食完飯行經呢頭竟然發現佢重開！伴娘話好食，就即刻衝左入去。我地揀左small size night wolf（$66），等左十分鐘左右終於有得食！同以前既軟雪糕既形態有啲唔同，佢吱出黎好似💩咁😂同埋fix左一定係兩溝，我不嬲都唔好vanilla，如果有得俾人揀只要朱古力會好啲～個人覺得甜左啲，唔係預期中咁濃。brownie chocolate chips雞蛋仔算脆，但太甜喇。中間重有球指定口味既gelato，係cookies & cream，好甜😖😖😖食到底有passion fruit panna cotta，終於有返啲酸野balance下，酸Mei Mei 好fresh，但佢既形態完全唔係固體，似溶到一灘野咁，稱唔上做panna cotta。不過夾埋啲crunchy flakes係幾好味。呢個價錢但質素一般，唔會再食～同埋服務態度麻麻，問多句好似唔耐煩咁⋯而且啲枱無人清潔，幾污糟下。