紅茶冰室

Open Now

Now Closed

今朝食咗個炒麵飽到嘔，等埋老公放工之後就去咗食下午茶。每一次經過尖沙咀都會見到餐廳門口有人排隊。今日終於有機會食喇！🌱招牌冰火脆皮菠蘿油揭開菠蘿包，加片口感微凍半融的牛油，一啖咬落去，菠蘿的皮脆口，麵包都幾軟熟，牛油和菠蘿包融為一體。🌱香脆奶油豬呢個奶油豬過咗氣，嗰邊焦脆，但麵包好韌。牛油太多，煉奶太少。🌱凍檸茶菠蘿包和奶油豬都改配凍檸茶，同咗夥計講少冰，最後梗係冇少冰啦！茶味唔夠濃，檸檬味酸，糖水多咗啲，沖得麻麻地！🌱出爐曲奇蛋撻為咗呢個蛋撻等咗兩轉，就係為咗食新鮮出爐的蛋撻。曲奇蛋撻食完之後會覺得口乾，不過蛋係幾香。🌱招牌沙嗲牛肉麵+top one丹麥酥+火腿奄列老公話個沙嗲牛肉麵麻麻囉，丹麥酥可以，火腿奄列太油。好在唔係等咗好耐，等咗8-10分鐘到，如果要等得耐就唔值。