Video
Read full review
2013-08-31
2248 views
差不多踏入9月想食秋刀魚，周圍打電話睇下邊度有得食。結果揾到呢間日本餐廳，問接線生今晚有咩飛機貨，有無秋刀。佢答左好多。。。順便訂埋坐bar枱，點知話Full HSE，起碼要九點半後有位。咁諗住實無衰喇掛。無聊地行左幾個鐘街等！上到去好多人，好嘈。好似去左放題場一樣，唔緊要啦諗住啲野得當熱鬧少少有氣氛啲。安排好座位後，問個日籍待應今晚有咩好野，介紹完order左秋刀$280，象拔蚌$220，佢聲稱既日本馬糞海膽$280，同兩客生粟米$56好期待地等左10分鐘終於有得食，但第一個印象已經好失望。大兜堆頭擺埋同一碟！都無所謂，但可唔可以擺靚啲？！你唔係做緊放題架！壽司吧有四個師傅，個場得70-80位，出品唔會負擔唔到啦？仲要係講緊你唔係一次過做七八十位既order。算，同自己講唔好咁膚淺睇外表。先食象拔蚌，有海水味但唔係鮮甜同唔夠爽，因為每客order唔係一條計，我諗我太晏食緊人地另外果半條。本來想向店方反應，但我杯茶飲左一杯後都無人再斟過你就知講黎都嘥氣！況且講完佢都係當你唔識食！再食海膽，我寧願食大連一板果啲！好啖唔鮮甜！！最後食秋刀，唯一味道叫做最好算，尚算肥美，但有兩件仲有骨未去淨
上到去好多人，好嘈。好似去左放題場一樣，唔緊要啦諗住啲野得當熱鬧少少有氣氛啲。安排好座位後，問個日籍待應今晚有咩好野，介紹完order左秋刀$280，象拔蚌$220，佢聲稱既日本馬糞海膽$280，同兩客生粟米$56
好期待地等左10分鐘終於有得食，但第一個印象已經好失望。大兜堆頭擺埋同一碟！都無所謂，但可唔可以擺靚啲？！你唔係做緊放題架！壽司吧有四個師傅，個場得70-80位，出品唔會負擔唔到啦？仲要係講緊你唔係一次過做七八十位既order。
算，同自己講唔好咁膚淺睇外表。先食象拔蚌，有海水味但唔係鮮甜同唔夠爽，因為每客order唔係一條計，我諗我太晏食緊人地另外果半條。本來想向店方反應，但我杯茶飲左一杯後都無人再斟過你就知講黎都嘥氣！況且講完佢都係當你唔識食！再食海膽，我寧願食大連一板果啲！好啖唔鮮甜！！
最後食秋刀，唯一味道叫做最好算，尚算肥美，但有兩件仲有骨未去淨！！
總結：本人食日本餐預左起碼一千蚊一個頭，你都可以話我唔捨得食，但我肯定唔係order拼盤果啲囉！
如果你未食過呢間餐廳我勸大家唔好去，因為佢地唔休做，好多熟客，佢地亦都淨係會為熟客服務，我明白熟客可能會比好可觀既貼士慰勞員工，但有無諗過點解呢？因為都係當初你地既服務好，食物質數好。
壽司吧啲師傅同啲客“高談闊論“，感覺好唔衛生！
埋單$920，店方係比較有多飛機貨選擇，但一定無下次！因為太嘈同覺得自己不受尊重！
Other Info. :
你係生客唔使去，唔係你一定會後悔！
(The above review is the personal opinion of a user which does not represent OpenRice's point of view.)
Post