Video
Read full review
2018-09-30
1333 views
26-9-2018 (Wed)晏晝,女同事CY請我食生日飯,都叫埋女同事CS,我揀o黎呢間,我o地o係坳背灣街落車搵,見到呢間,好彩openrice呢o度有門面相對,果然係呢間,點解冇招牌o既?睇吓呢o度最舊o既食評,2012年寫,都成6年啦,咁耐都冇招牌咁奇?入到去睇,環境一般,只係比茶餐廳好少少,坐低後睇menu,選擇唔多,只有4樣兼唔吸引,CY要$70.00o既香草汁肉眼牛扒,CS要$58.00o既燒牛肉凱撒沙律,我要$52.00o既洋蔥汁豬扒.CY想揀薯菜,點知話冇,咁我同佢都要意粉.湯o個方面,佢兩個要美式雜菜湯,我要粟米蟹柳忌廉湯.有耐,蒜蓉多士同湯到o黎,粟米蟹柳忌廉湯o既料唔多,稠濃度o岩o岩好,味道只係淡啲.蒜蓉多士已經唔係好脆,一般.然後3份食物一齊到o黎,燒牛肉凱撒沙律o既牛肉得好少;香草汁肉眼牛扒大件,我黐少少食,口感鬆軟,味道唔濃.我o既洋蔥汁豬扒同樣大件,一樣鬆軟,但感覺好過肉眼扒,不過有少少酸味,可能係調味料啦,意粉冇煮過腍,OK o既.最後到餐飲,CS要熱檸茶,CY要加$2.00o既凍檸茶,我要加$10.00o既凍檸蜜.凍檸蜜o既蜂蜜唔多,咁就要加多$8
入到去睇,環境一般,只係比茶餐廳好少少,坐低後睇menu,選擇唔多,只有4樣兼唔吸引,CY要$70.00o既香草汁肉眼牛扒,CS要$58.00o既燒牛肉凱撒沙律,我要$52.00o既洋蔥汁豬扒.CY想揀薯菜,點知話冇,咁我同佢都要意粉.
湯o個方面,佢兩個要美式雜菜湯,我要粟米蟹柳忌廉湯.
有耐,蒜蓉多士同湯到o黎,
粟米蟹柳忌廉湯o既料唔多,稠濃度o岩o岩好,味道只係淡啲.蒜蓉多士已經唔係好脆,一般.
然後3份食物一齊到o黎,燒牛肉凱撒沙律o既牛肉得好少;
香草汁肉眼牛扒大件,
我黐少少食,口感鬆軟,味道唔濃.我o既洋蔥汁豬扒同樣大件,
一樣鬆軟,但感覺好過肉眼扒,不過有少少酸味,可能係調味料啦,意粉冇煮過腍,OK o既.最後到餐飲,CS要熱檸茶,CY要加$2.00o既凍檸茶,我要加$10.00o既凍檸蜜.凍檸蜜o既蜂蜜唔多,咁就要加多$8.00(扣除凍飲本身要加o既$2.00).
味道係2.67分,抵食係2.3分
其他:
佢o地o既飲管係用紙造,雖然都係唔環保,但都好過係膠.
Post
