臻味冰室豬扒酸辣米線

Open Now

Now Closed

路過呢間米線店舖好多次，成日見到好多人等位，同埋好多人企喺出邊，等外賣。今晚，上堂前同學仔建議去呢間試下，噉啱唔使等位就行入去食。唔使考慮，梗係要個秘製豬扒酸辣米線啦。點解酸辣米線加咗麻辣味嘅，好似個麻辣搶咗個酸辣味，同埋唔覺有芽菜韮菜伴底，好彩啲酸菜爽脆好味，夠花生， 秘制豬扒有三小塊，好似煎完之後再炆焗返佢，好入味。同學仔叫咗碗雲吞米線，原來佢個碗都係酸辣加麻辣，佢本身唔食得辣，今次仲要加埋麻辣，食到佢大汗搭細汗，佢食晒啲雲吞，米線食咗一半，就冇食。佢請我食咗一粒雲吞，我覺得雲吞冇乜特別，豬扒好味好多。