Video
Read full review
2009-09-03
16 views
大家去新一派食好抵架...今日我媽想食白汁焗意粉，果區冇乜幾多間食肆有得食，咁就走去果道食...這間野真係好抵架，我地剛坐低，佢地就上一碟侍應炒老闆，又夠火氣，又有眼淚，碟野唔會炒到燶晒，好精彩架... 又唔駛錢，間野真係蝕俾你架~~這碟上完就order 主菜，我就 order 黑椒汁雞扒燴意粉，我媽當然係白汁野菌雞皇焗意粉啦。先上 Drink ，之後不久黑椒汁燴意叫意粉就到，不過見我地少去，佢就在意粉內送鋼絲擦的鋼絲一大條。嘩~~~我當時諗，要唔要我叫食環果啲哥哥來恩賞下這份心意，正在諗緊之際，咁佢有個侍應見我咁煩惱，唔知要唔要這份禮物好，咁就話唔啱心意可以叫廚房再上過，我見屋村生意，唔好送咁大份禮比我啦....咁就俾佢再上過...不久有個侍應走過來，佢話佢地焗爐壞咗，order 咗白汁焗意粉冇得上，叫我地食過第二樣，但跟餐個 Drink 照上收你原價，保證有 order 必到。咁我地諗重有啲乜野係白汁架呢？睇晒個餐牌....唔多見過....但我記得香港茶餐廳特色係乜都有，所以我諗冇焗意，改燴意都得架啫....我同其中一個侍應講，我之前 order 咗個白汁焗意粉，你地冇焗意，可唔可
今日我媽想食白汁焗意粉，果區冇乜幾多間食肆有得食，咁就走去果道食...
這間野真係好抵架，我地剛坐低，佢地就上一碟侍應炒老闆，又夠火氣，又有眼淚，碟野唔會炒到燶晒，好精彩架... 又唔駛錢，間野真係蝕俾你架~~
這碟上完就order 主菜，我就 order 黑椒汁雞扒燴意粉，我媽當然係白汁野菌雞皇焗意粉啦。先上 Drink ，之後不久黑椒汁燴意叫意粉就到，不過見我地少去，佢就在意粉內送鋼絲擦的鋼絲一大條。嘩~~~我當時諗，要唔要我叫食環果啲哥哥來恩賞下這份心意，正在諗緊之際，咁佢有個侍應見我咁煩惱，唔知要唔要這份禮物好，咁就話唔啱心意可以叫廚房再上過，我見屋村生意，唔好送咁大份禮比我啦....咁就俾佢再上過...
不久有個侍應走過來，佢話佢地焗爐壞咗，order 咗白汁焗意粉冇得上，叫我地食過第二樣，但跟餐個 Drink 照上收你原價，保證有 order 必到。
咁我地諗重有啲乜野係白汁架呢？睇晒個餐牌....唔多見過....但我記得香港茶餐廳特色係乜都有，所以我諗冇焗意，改燴意都得架啫....我同其中一個侍應講，我之前 order 咗個白汁焗意粉，你地冇焗意，可唔可以同我轉做白汁燴意粉呀？佢諗咗一陣，佢話唔知得唔得，咁我話你同我問下得唔得啦...
佢問咗就返來，二話不說就拿走我碟黑椒汁燴意粉，我立即出手保著我碟黑椒汁燴意粉，原來佢地服務好細心架，佢地可能怕你諗得耐坐得耐冇運動，就出手試下你啲返應，及暗示我啲廣東話講得令人唔多明白我想要啲乜，佢唔直接話你的不是，真係有禮貌啦！
由於我地少運動，咁佢有心等你自己走來走去同佢地各個部門搞返個 order ，由白汁焗意粉轉做白汁燴意粉，轉返個 Drink 做跟餐，但佢好有原則咁收返你焗意原價(黑椒汁燴意平白汁焗意粉兩蚊)，佢話電腦只有黑椒汁燴意，白汁燴意粉一定出白汁焗意粉，所以張單唔改得，咁當然要比原價，咁有原則的企業今時今日都好難得。
最強係我自己都有 order 黑椒汁燴意粉，和白汁燴意粉兩碟並排一看...白汁燴意粉和黑椒汁燴意粉舊雞同啲意粉都係一模一樣，有如此品質管理，相信佢係有 ISO9001 認證。
一間食市有咁多優惠，重唔抵食？大家想挑戰自己的極限就一定要去試！
Post