十二味不只是烤魚 (Closed)

雖然成日話打邊爐會厭會厭，但對於烤魚，我地有一種偏愛。因為烤魚嘅香辣味，再配合配料，係好似會上癮咁成日想食。我地今次去到天后呢間烤魚店，首先已經俾門面吸引住，一幅大嘅壁畫，再配合搶眼圖案，好吸睛。入到去，裝修都幾企理，比起我地平時去荃灣啊、旺角果啲烤魚店，冇咁「老土」，加上有好多卡位，二至四人合適。食物方面，呢度嘅烤魚有四款魚選擇，再配合唔同嘅味道，所以亦比一般烤魚店優勝。除烤魚外，仲提供唔少前菜、小炒、串燒，當然唔少得仲有其他火鍋配料。烤魚：我地點左江團魚，揀左少辣，江團魚係比較少細骨，一條主骨，拆起肉來都唔會太困難，比較適合唔太識吐骨嘅人士。而且魚肉都算厚身，又無鱗，泥味唔重，魚係煎香左，再配上香辣汁，有少少花椒，帶出麻香味聞到都流哂口水。手切牛脊肉：配料方面我地點左牛肉，大約左有廿片，一律薄切，唔算太腍身，普普通通。黃豆芽、娃娃菜：都係非常適合用黎做烤魚嘅配料，當煮腍、索哂湯汁後，又甜但又有辣汁嘅味道，非常過癮。炸響鈴：冇得傾，打任何邊爐必點，呢度嘅炸響鈴都係一貫水準。寬粉：薄而闊身，有少少似河粉，淥熟後又煙韌又滑溜，索哂啲湯汁，好好食。另外我地點左燒烤，烤茄子同埋雞軟骨，茄子面