Video
Read full review
2018-08-12
34 views
今日同朋友一行四人落去深水埗買電話卡，買完都見係食飯時間，就同埋朋友去附近揾下野食，見到間茶餐廳都幾多人入去，又見價錢幾經濟就入去醫下肚！相信餐廳都係做街坊生意為主，兩個鋪位都坐滿左人！原來呢間餐廳已經喺深水埗超過10 年歷史，餐廳提供以燒味為主既菜式，仲有炒粉麵，同茶餐廳美食，價錢都幾經濟！店內環境乾淨企理，員工落單快，服務又幾周到，怪唔知得有咁多街坊嚟捧場！天氣太熱，我就叫左杯紅豆冰飲先，紅豆起晒沙，甜度適中，唔錯！每人都有碗菜乾例湯送，呢碗湯有d驚喜，份量十足菜乾同豬骨同樣多，味道清甜唔油，幾好！叉燒首先出場，賣相吸引，肥瘦適中，蜜汁甜味恰到好處，也沒有燒得過火，食落軟稔，有咬口，半肥瘦部份很好食！份量也很大！餐廳上菜效率都幾快，燒腩仔都跟隨送到，賣相吸引，份量之多真係喜出望外，重點係重要好食！外皮脆卜卜，帶點焦香，而且近骨既部份燒得入味，咸咸地幾惹味！燒餓份量都係頗多，鵝味十足，鵝肉有咬口，帶點油香，我覺得唔點酸梅醬都ok! 生菜都係咁大碟，真係唔到你唔服！最後出場係油雞，外皮鼓油味入晒味，相信加入左玫瑰露，肉質嫩滑，份量都係令我哋喜出望外既多，而且隻雞都係有返咁上下份量，食
相信餐廳都係做街坊生意為主，兩個鋪位都坐滿左人！
原來呢間餐廳已經喺深水埗超過10 年歷史，餐廳提供以燒味為主既菜式，仲有炒粉麵，同茶餐廳美食，價錢都幾經濟！
店內環境乾淨企理，員工落單快，服務又幾周到，怪唔知得有咁多街坊嚟捧場！
天氣太熱，我就叫左杯紅豆冰飲先，紅豆起晒沙，甜度適中，唔錯！
每人都有碗菜乾例湯送，呢碗湯有d驚喜，份量十足菜乾同豬骨同樣多，味道清甜唔油，幾好！
叉燒首先出場，賣相吸引，肥瘦適中，蜜汁甜味恰到好處，也沒有燒得過火，食落軟稔，有咬口，半肥瘦部份很好食！份量也很大！
餐廳上菜效率都幾快，燒腩仔都跟隨送到，賣相吸引，份量之多真係喜出望外，重點係重要好食！外皮脆卜卜，帶點焦香，而且近骨既部份燒得入味，咸咸地幾惹味！
燒餓份量都係頗多，鵝味十足，鵝肉有咬口，帶點油香，我覺得唔點酸梅醬都ok!
生菜都係咁大碟，真係唔到你唔服！
最後出場係油雞，外皮鼓油味入晒味，相信加入左玫瑰露，肉質嫩滑，份量都係令我哋喜出望外既多，而且隻雞都係有返咁上下份量，食落啖啖肉，唔會太瘦得返皮同骨，絕對係良心之作！
今晚呢餐既份量真係唔係講笑！碟碟都好吸引！
Post
