八居酒屋 (旺角新城)

Open Now

Now Closed

今晚跟朋友去旺角搵食，一上到去就比佢部夾公仔機吸引，原來真係可以比客人玩。每位客人本身都會有1局送，抽中波仔儲分換野食或公仔。哈，一黎我就有戰利品啦，美味既鱈魚乾同可樂1罐。 超開心，真係好好玩。 而店主話而家仲做緊社交平台 優惠，like左就送三文魚刺身，學生又有折，連happy hour都有，真係鍾意飲酒既就唔好錯過。係menu見到呢款三角加州卷已好想叫，黎到賣相果然都好吸睛，真係三角形架，好得意。 佢既餡都好新鮮又多，一啖係食唔晒。然後再叫左山薑燒豬頸肉。佢唔係一般泰式個種口感，冇咁肥，反而真係幾日式既感覺，而且一黎到就好香，佢個山薑汁同燒汁好夾，係呢間店既特色。見佢地仲有鹽燒脆白鱔就忍唔住好想試，果然冇令人失望。 肉夠厚夠爽不在通，皮可以燒到脆片但冇離肉，而且keep到肉汁，咬落唔會乾憎憎，有魚汁爆出黎，果然物超所值。 真係多得朋友好介紹。